E to’atele ua fesiligia le gaioiga a le alii pilionea o Elon Musk ua faia pe ogatasi ma le tulafono pe leai.

Ua ia ofoina ane lona tuuina o le miliona i le asō i se tagata palota e saini i lana petition a o le’i oo i le aso 5 o Novema e faatino ai le faigapalota.

O le petition e pei ona ta’ua sa tuufaatasia e le campaign group a Musk e lagolago ai Donald Trump i le faigapalota mo le peresetene.

O le aupalota la i Pennysylvania ua ofoina iai vaegatupe pe a saini i le petition lea, e tasi le miliona e faamatuu atu i le asō.

Peitai la fai mai nisi o tagata atamamai i tulafono i mea faapea e ono solia ai le tulafono a Amerika i faigapalota ona o le ofoina o tupe i se tagata e saini ai o se tagata palota.

Peitai o le tali a Musk e pei ona lipotia ua ta’ua ai, sa fai foi ni faiga faapea muamua e le Democrats.

Na ia ta’ua foi i luga o le upega tafa’ilagi a le X na faatino foi e le alii pule o le Facebook poo le Meta le faiga faapea i le 2020.

Fai mai se tasi o polofesa i Amerika, e ogatasi ma le tulafono le totogi o tagata e o e lesitala tagata palota ae lē mafai ona totogi sa’o tupe i se tagata e lesitala ai.

Puna o Faamatalaga: https://www.bbc.com/news/articles/ced0d1g5zyno