A o tulalata mai le palota mo le Peresetene o Amerika, o loo faafesili nisi pe o le ā se aafiaga o le a iai le i’uga o lea palota i teritori o Amerika i le Pasefika.
O atunuu e pei o Northern Marianas, Guam ma Amerika Samoa faapea ma isi faaitu o le Pasefika o loo latou mata’itū ma le toto’a le i’uga o le palota.
E pei ona silafia o isi ia teritori o Amerika.
Sa faailoa ai se finagalo o se tasi o faia’oga i le iunivesite o Massey, Anna Powles i le mataupu lea ma aafiaga i setete o Amerika i le Pasefika.
Fai mai a ia o atunuu e pei o Niu Sila ma Ausetalia ua faatulaga faatasi ma Amerika ma e ui foi o Saina le paaga aupito tele tau fefaataua’iga a Niu Sila, peitai o Niu Sila o loo i le camp a Amerika.
O le finagalo taatele o nisi o ta’ita’i o le Pasefika ua fesiligia i le mataupu lea ma aafiaga o atunuu e pei o Saina ma Amerika i le Pasefika, ua faailoa ai o le filemu ma le mautū o le itulagi o le tulaga lea e ave iai le faamuamua.
I le mataupu i a’upega o loo mili ai Amerika ma Saina, ua faailoa e ta’ita’i o le Pasefika e leai ma se isi e lagolagoina lea tulaga.
Puna o Faamatalaga: https://www.rnz.co.nz/international/pacific-news/532775/how-the-us-election-may-affect-pacific-island-nations
