O loo iai pea le faamoemoega a le Pulega o Tagata Tafafao Maimoa mai fafo e toe tatala alavaa a le atunuu mo femalagaiga i le mafuaaga e tatau ona siitia le numera o tagata ua maea faia tui puipui uma o le Koviti19.
O le manatu lea a le Ofisa Sili o le Pulega o Turisi le afioga Faamatuainu Lenatai Suifua i se faatalatalanoaga ma le Samoa Observer i le vaiaso na tea nei na ia taua ai o loo iai pea le faamoemoe o le Pulega ina ia tatala alavaa o a Samoa ina ua 2 tausaga talu ona tapunia.
Na ia faamalamalama o loo ua ave nei le unai a le Pulega i turisi o loo i totonu o le atunuu poo local tourists e ala lea i femalagaiga faaitumalo poo domestic flights i le va o motu e lua ona o le taofia ai o faigamalaga faavaomalo.
Taua foi e Faamatuainu “O loo ave le faamuamua a le Pulega i le faia o tui puipui ma ua iai nisi o fale faigaluega a le atunuu e pei o le faletalimalo o el Taumeasina ua faamamalu ai le lē mafai ona galue pe a lē maea uma ai tui puipui o le Koviti.”
E oo foi i le Pulega o le Tagata Tagata Maimoa mai Fafo le STA a leai se faamaoniaga ua maea lau tui puipui poo le vaccination ID e lē mafai ona e galue.
O le faamoemoe tele ina ia taimua le Pulega aemaise o nisi matagaluega a le Mālō e unai le faia o tui puipui ina ia mautinoa ua mafai ona tatala alavaa e aunoa ma le aafia o le atunuu i lea faama’i ua soo ai le lalolagi.
