O loo maumaututu pea le taofi o le minisita lagolago o le Soifua Maloloina Peeni Henare i lona talitonuga e luitau ai tagata Maoli ia faia tui puipui e ui i le tuuina o se vaegatupe i Maori Health Providers i le vaiaso nei ina ia fesoasoani ai i luitau o feagai ma latou i le faatinoina o auaunaga.
Faailoa le finagalo o le minisita lagolago i luga o le Breakfast show i le maea ai ona o la folafolaina ma le minisita o le Maori Development,Willie Jackson le vaegatupe e 38 miliona o le fund a le malo o le a faaaoga e fesoasoani ai i le galuega e tali atu ai i le koviti 19 ma o le a faatupulaia ai foi ma le aofai o tagata Maoli e fai tui puipui.
Fai mai Henare e manaomia tagata ina ia agai ane ma faamautinoa e faia tuipuipui. Saunoa foi le alii minisita lagolago o le tupe ua tuuina i Health Providers a le Maori Health ae o loo tatala lava mo tagata Niu Sila uma le auaunaga e le na’o tagata whenua,
E silia ma le 70 afe tui puipui ua kilivaina i Tamaki Makaurau faamoemoe mo le itu i sisifo o Aukilani pei ona taua e Henare ae o le itu e faanoanoa ai pe na’o le 1400 tagata Maoli ua agai ane e fai tuipuipui i le ono aso talu ai.
