Unai e le Minisita o Faatoaga le faatau o fua o faaeleeleaga a le atunuu

O se taimi o i luma ona tatala aloaia loa lea o se atinae tau faatoaga e le Minisita o Faatoaga ma Faigafaiva afioga Laaulialemalietoa Leuatea Polataivao Schmidt taauala mai i le Matagaluega ma le Malo ua faaigoaina “Buy Samoa Made Products”.

O lenei atiane ua valaau faapitoa ai le Minisita i le au fai faatoaga ma le au fai faiva uma Samoa ina ia amata ona galueaina a latou faatoaga e ala i fua o faaeleeleaga aua o lea ua iai maketi mo fua o faatoaga i atunuu i fafo e pei o Ausetalia , Niu Sila ma Amerika.

O le uluai taimi lenei ua agai ai e faia se gaioiga faapea i auala o le faatau atu i fafo poo le makeki atu i fafo o faatoaga a Samoa ma latou atinae.

O le tepa taulai o lenei atinae ina ia toe foi Samoa i auala na tele ina malosi ai lona tamaoaiga o laufanua ma eleele ia o le atunuu e ala atu i faatoaga eseese. Ae le gata i lea ia unaia le faatau o fua o faatoaga a tagata Samoa mo le tupe maua.

Taua e Laauli mo fai faatoaga i Samoa e le’o iai ni maketi i atunuu fafo i le taimi nei e aua le popole o le a galulue le Matagaluega e saili ni maketi e faatau atu ai a latou fua o faatoaga i atunuu i fafo.

O nei fua o faatoaga e aofia ai , talo, o popo , o ia  o koko samoa ma le tele o nisi o fua o faaeleeleaga o loo galulue ai fai faatoaga ma le au fai faiva o le atunuu.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required