E na o le 5 vaiaso le matua o le pepe teine ua lipotia mai ua uma lona ola o loo masalomia na osofai e se taifau.

O le faalavelave e feta’ua’ina na tulai mai i le itu i Saute o Niu Sa Uelese i le faaiuga o le vaiaso na tea nei.

Ta’ua mai e leoleo o loo faia le suesuega i le taimi nei i le uma ai o le ola o le pepe i le Aso Toonai na tea nei. 

Fai mai se faamatalaga e tuga manuaga i le ulu o le pepe na ave ane i le falemai e ona matua ma maliu ai lava i le vaeluaga o le po o le Aso Sa na tea nei.

Na lipotia mai e leoleo i le 7News e lua taifau a le aiga e iai i lo latou fale ma ua aveesea mai e Rangers ma o loo faia nei iai le suesuega.