E lua cases fou o le monkeypox ua maua i totonu o Niu Sila, ma o nei cases e maua i tua i le komiuniti.

O uluai cases nei o le monkeypox ua maua i le komiuniti e ese ai le toaiva lea na muai maua peitai na maua o loo i atunuu i fafo.

E ui i lea tala, ae i se lipoti mai le soifua maloloina o loo ta’ua ai o loo maualalo lava le tulaga lamatia o le atunuu.

Ua sau ai foi ma lapataiga e ono faaopoopo cases e maua i le komiuniti ona o lea e le o faamaonia le sootaga o cases e lua na ta’ua mai ananafi atoa ai ma le faailoga fesili pe ono mafua mai ona o se  case e faimalaga mai fafo.

O loo faanofoesea nei i Aukilani cases e toalua ma o loo fesootai pea ma le soifua maloloina.