Ua faifaitetele vesiga a Ukraine ma Lusia ma ua faalogoina osofa’iga ua faaaogā ai drones.

O se faamatalaga mai le ofisa o le puipuiga a Lusia ua ta’ua ai sa o latou faalavelavegia nisi drones e 14 mai Ukraine i nofoaga e 6 i Moscow.

Faailoa mai foi e Ukraine e 145 osofa’iga o drones na faia atu i lo latou atunuu i le Aso Toonai talu ai.

Fai mai o le tele o drones na faaleagaina i itumalo e pei o Ramenakoye, Kolomna ma Domodedovo ma o isi faaitu sa faamanu’alia ai tagata Lusia e to’a 5 ae mu ai fale e 4.

I Ukraine a itiiti mai pe to’alua tagata na faamanu’alia ina ua fana a’e se drone i le faaitu o Odesa ma vaaia ai le faaleagaina o nisi o fale.

Ua faamaonia e Ukraine o le 62 o drones mai Lusia na o latou fanaina i lalo a o le isi 67 na leiloloa.

Na faia se faamatalaga a le faauluuluga o vaega’au a le UK i le BBC e faapea o osofa’iga ia i drones ua maliliu ai se vaega tele o tagata Lusia talu mai Oketopa.

Puna o Faamatalaga: https://www.bbc.com/news/articles/cx28jd0114ro