E 450 miliona pauni le fesoasoani tau militeli ua faaopoopo ane e le UK mo Ukraine a o sauni ai le United Kingdom ma Siamani e talimalo i se fonotaga o atunuu e 50 e faia i Brussels.
Fai mai le BBC o ofisa tau le puipuiga o le a feiloa’i e faatalanoa le mataupu e faatatau i le Peresetene o Lusia Vladimir Putin ma faamalosia o ia e faamuta loa le osofa’ia o Ukraine.
Fai mai le failautusi o le puipuiga a le UK, John Healey ua tatau loa ona laa i luma taumafaiga e taofia ai le faia pea o osofa’iga a Lusia ia Ukraine ma o le fesoasoani ua tuuina i le vaiaso nei o le a faatupe ai le faitau afe o drones ma isi mea fia faaleleia e aofia ai ma le lipeaina o taavale a le militeli.
Fai mai le Palemia o Kier Starmer o le tausaga lenei 2025 o se tausaga tāua mo Ukraine ma o le matafaioi a minisita o le puipuiga o le tuuina lea i lima o Ukraine o mea o loo mana’omia e lana autau.
E lē o le taimi muamua lea ua foa’i ai le UK mo Ukraine, o le masina talu ai na tuuina ane ai foi e le Palemia le 1.6 piliona pauni mo Ukraine faaopoopo atu i se nonogatupe e 2.2 piliona sa faamatuu ane muamua mo le vaega lava a le militeli a Ukraine.
Puna o Faamatalaga: https://www.bbc.com/news/articles/c705njr9415o
