Ua malilie le United Kingdom ma Farani o le a tuuina ane a la vaega’au i Ukraine pe afai e mautu se maliega tau le filemu ma Lusia.
O le Palemia o Peretania, Kier Starmer na ia faailoa lea tulaga ao fa’aauau ai pea le finau a Ukraine ia una’ia le fesoasoani a ta’ita’i o atunuu o le atu Europa mo latou pe a faamautuina se maliega e faamuta ai le taua ma ‘alofia ai le toe tulai mai o se isi tulaga faapea i le lumanai.
I le mae’a o le fonotaga a sui mai atunuu e 35 sa faia i Paris ua sainia ai loa e le United Kingdom ma Farani le maliega lea ina ia tuuina ai a la fitafita i le laueleele o Ukraine pe afai ae maua se maliega mo se filemu.
Ua faailoa le tete’e o Lusia i lea tulaga i isi lipoti talu ai.
Puna o Faamatalaga: https://edition.cnn.com/2026/01/06/europe/uk-france-troops-ukraine-russia-peace-deal-latam-intl
