O se uila na emo ua maliliu ai tagata e to’a 14 sa auai i se fono tatalo na faia i se refugee camp poo se togalauapiga a tagata sulufa’i i Uganda i le faai’uga o le vaiaso ma ua faamaonia mai e leoleo a lea atunuu lea lipoti.
Fai mai o le itu i Matu o Uganda na tupu ai le faaletonu lea ma manunu’a ai tagata e 34 ma le 14 ua maliliu.
Sa fai le latou fono tatalo ae faalogoina loa timuga ma le pā pā ane o faititili, o se nofoaga e lata i le tuaoi ma Sudan i Saute ma pe ā ma le 80 afe tagata e aumau ai, o le to’atele o i latou e faimalaga atu i totonu o lea nuu.
Ua ta’ua e taatele le fe’emo o uila i le faaitu lea o Aferika ma iai foi nisi ua maliliu ai muamua e pei o le 2020 na maliliu ai tamaiti e to’a 10, o tamaiti a’oga ina ua taia e le uila.
Puna o Faamatalaga: https://edition.cnn.com/2024/11/03/africa/uganda-lightning-strike-refugee-camp-intl/index.html
