Ua moomia le faamamafa o puipuiga faapea faasalaga i tagata e iai taifau ae lē o lelei ona vaai.
E toalua tagata Far North maliliu i totonu o le 13 masina e mafua ina ua osofai e taifau, ma ua lagona ai talosaga a le toatele ua tatau ona toe silasila toto’a iai.
E 69 tausaga o le tamā matua na maliu i lona lava fale i le masina o Aokuso o le tausaga talu ai ina ua ‘ai e le taifau, e ese ai le tina e 78 tausaga na maliu i le amataga o Oketopa.
O le maliu lea o le tina o loo faasolo pea nei suesuega.
Ae i tagata Far North, e lē o nofonofo ai ma o lea ua faia le petition aloaia e tuuina atu i le Far North District Council ina ia toe silasila i auala e malupuipuia ai tagata aemaise o le tatau ona faaopoopo faasalaga i tagata e onaina taifau lea e lē o lelei ona vaai.
Ua faamauina i faamaumauga a le Council i le Far North le faatupulaia o le aofai o taifau i totonu o le tausaga ua alu.
