Ua tatau I tagata o le solo tetee o loo faamautu nei I Miramar Peninsula ona o I aiga

Talu mai ona o ese mai nisi o le au solo tetee sa I le maota o le palemene I Ueligitone, o lea lava e le I oo I aiga ae omai faatutu faleie ma nonofo I Mahanga Bay

Ua iai le popolega o se tasi o councillor a Ueligitone, Teri O’Neill I le aafia o lea nofoaga aemaise o oa faanatura o loo iai ona o lea o loo faaaoga e I latou nei le matafaga faapea le vao e agai iai e faaaoga o ni fale le taua (tulou) aemaise o le tele o le otaota lafoai

Ripotia e le councillor pe tusa ma le toaselau I latou o loo api ai, ma e le gata la i le councillor ao le le fiafia foi o aiga o loo nonofo I lea pitonuu

Peitai o le faigata tele o le mataupu lenei ona o le fanua e le o I lalo o pulega a le City Council a Ueligitone ma e le o mafai ai ona faia se gaioiga a le council

Tuu mai foi I le NIWA lea e pulea le fanua, e foliga mai e le o toe faia ni a latou suesuega I Mahanga Bay ma e le o iai se aafiaga o a latou galuega ona o le iai o le au solo tetee

Ae mai leoleo, e le I iai se faitioaga aloaia ua faaulu atu faasaga I le au tetee nei I Mahanga Bay