Ua tatau ona faataitai Niu Sila ia Ausetalia i le faia o pepa talavai e faatauina ai vapes ae le o le faatau tuusaoloto e pei ona iai nei.
O manatu nei o fomai, tagata suesue faapitoa faapea aoga ona ua maitauina ua faia ai fefaatauaiga i ni auala piopio.
O Ausetalia o lea ua vaavaai e taofia le avanoa ua faaaoga e pisinisi e faatau faasolitulafono ai vapes ma faigofie ai i fanau ona o latou faatauina ma talu mai Oketopa o le 2021 o lea seiloga e iai le pepa talavai faatoa mafai ona faatauina nicotine vapes.
O le vape sa sau ai o se tasi o auala e fesoasoani i le ausia o le sini ia oo atu i le 2025 ua saoloto tagata Niu Sila mai le taumafa tapaa.
Peitai, ao vaavaai ai e saogalemu le vape e le o alo ai mai tulaga lamatia.
Ae o le tali puupuu a le polofesa ia Becky Freeman o ia na taitaia le poloketi a le Generation Vape Research, taofi le auina mai i totonu o le atunuu ma le faatauina o soo se ituaiga vape e aunoa ma se pepa talavai.
