COVAX Covid-19 vaccines

Silia i le to’a 3000 tagata Samoa ua maea ona fai tui puipui o le Koviti 19

O loo faagasolo pea le faatinoina o tui puipui mo le atunuu mai le faaamai lo le Koviti 19 talu ona amatalia I le vaiaso n a tea nei.

I ripoti mai le upega tafailagi a le malo o Samoa I lenei vaiaso lea ua faamauina ai le toa 3,287 I latou ua maea ona fai nei tui puipui ma e to’a 2,076 tamaitai ae to’a 1,211 alii.

O le tui puipui o loo faogaina e le atunuu ua faaigoaina o le AstraZeneca ma na taulamua ai foi Matagaluega a le Malo I le amatalia lea ona fai o latou tui puipui e pei o le Pulega o tagata tafafao maimoa mai Fafo , Matagaluega o le Soifua maloloina ma I latou o loo galulue i le malae vaalele.

Taua e le Ofisa Sili a le Matagaluega o Tagata Tafafao Maimoa mai Fafo  Faamatuainu Suifua Lenatai e silia ma le 20,000 tui puipui mai Niiusila na tuuina atu i le atunuu i le masina na tea nei ma o loo tālia isi tui puipui e taunuu atu I le masina o Me.

O le faatinoga o lenei tui puipui e lua tui a le tagata e tatau ona fai, a maea le tui muamua ona faatali lea mo le 8 vaiaso ona toe fai lea o le isi tui lona lua.

O le tui o le AstraZeneca e le gata o Samoa o loo o latou faaogaina ae faapea foi isi atunuu e pei o Ausetalia , Kanata, Amerika ma le atu Europa ma taua e Faamatuainu e ui i le iai o popolega a tagata I le faatinoga o lenei tui o loo fautuaina pea le atunuu o loo saogalemu mea uma ma e leai se tulaga e faapopole ai.

Keep uptodate with Radio Samoa activity & promotion

* indicates required