O le aso ananafi sa tatau ona maua ai results poo iuga o suega o le HSC mo tamaiti i Ausetalia sa sue i lea suega i le tausaga nei.
Ua vaaia i luga o upega tafailagi upu faamalosiau ma fautuaga a tagata i le fanau aoga e uiga i iuga o suega ma nisi avanoa o matala mai mo i latou pe afai e le o ogatasi le futia ma le umele e pei o ia upu i le iuga o suega o lenei tausaga.
O faamalo a matua mo fanau o loo mātele ai faamanuiaga i luga o le twitter ae tulaga ese foi nisi o fautuaga ua faamalosi ai i le fanau afai e le o manuia suega e le o le iuga lea o le lalolagi ona e toe oso foi le la ma ua iai foi nisi polokalame fesoasoani e mafai ona tua iai pe afai ua le ausia maka manaomia mo le ulufale atu i iunivesite ma aoaoga maualuluga atu.
