Ua vaavaai le matagaluega o a’oga i nisi laasaga e siitia ai lana lagolago i a’oga ma le faiga o loo su’e ai su’ega fou o le NCEA.

O lea ua silafia e le matagaluega faapea le New Zealand Qualifications Authority – NZQA galuega faaopoopo mo a’oga i le faatautaiga o su’ega nei e tusa ma faamaoniga mai le matagaluega.

O su’ega na faia ia Me ma Iuni lea ua sau i tua faai’uga ua iloa ai o le matematika lea e fai si pa’ū o le fuainumera o tamaiti na pasi.

Mai le asosi o pulea’oga o kolisi maualuluga, o se popolega tele le maualalo o le fuainumera o tamaiti e ausia maka e pasi ai, peitai e lē o faate’ia ona o le ulua’i tausaga lenei ua faaofi mai ai su’ega fou nei o le NCEA.

A o fai mai ai le matagaluega i auala e fesoasoani ai i a’oga, ua faatalosagaina foi e a’oga le NZQA ia vave ona maka su’ega ma faailoa mai faai’uga o su’ega.

O le faai’uga o le tausaga lea ua fai mai le matagaluega o le a faailoa mai ai isi auala o le a fesoasoani mai ai faatasi ma le NZQA i su’ega fou nei o le NCEA.

Puna o Faamatalaga: Education Ministry considers increased support for NCEA tests (1news.co.nz)