Ua faaleaogaina le lesitala a le faiaoga e lei manao e faaaoga le igoa sa manao iai le teineititi aoga ona e faapea e le tutusa ma ona talitonuga faakerisiano.
O le tausaga e 2021 na amata alia’e mai ai ma e faapea na faaauau pea ona valaau e le faiaoga le teineititi aoga i lona igoa tamaitai, e ui o lea na manao e valaau i le igoa e suia ai i le alii ma e le gata la i le igoa ae faapea upu faasino nauna poo pronouns.
O le faaseā ai o le teineititi aoga na faamavae ai loa ma le faiaoga, ma o lea na oo lava le faaseā agai i le Council’s Complaints Assessment Authority ma oo atu ai i le Tribunal.
O moliaga o le serious misconduct i lalo o le Education and Training Act 2020 lea na molia ai le faiaoga.
O loo tumau le teena e le faiaoga o lona valaauina o le teineititi aoga i le igoa tama, ma i lana finau mai e lē manao ia oo i le agasala ma e le ogatusa ma ona talitonuga faakerisiano.
Ae i le faaiuga a le Tribunal, e le o manao e faasala le faiaoga pau o lea o le faaleaoga lana lesitala.
