Ua iai nei Niu Sila i se tulaga aloaia o le recession poo se tulaga vaivai o le tamaoaiga ma ua atagia i faamaumauga ua faalauiloa e faatatau i le aofai o oloa ma auaunaga e gaosia i totonu lava o le atunuu le GDP.
O faamaumauga mai le ofisa o fuainumera faamauina a Niu Sila ua iloa ai mai le piliota o le va o Ianuari ma Mati o le tausaga nei ua iloa ai le faaitiitia i le 0.1 pasene o le GDP poo le aofai o oloa ma auaunaga e gaosia lava i le atunuu.
Faailoa i le lipoti a le One News o auaunaga a pisinisi le isi tulaga ua matuai alu ane i lalo.
O le masina lava ia o Mati o le tausaga nei na faamauina ai aafiaga ogaoga o uiga o le tau atoa ai ma le faaauau pea o tetee a faiaoga.
