Ua ono nei tausaga o sootaga faavaomalo o Samoa ma le Malo o Kosovo o se atunuu e tuaoi ma le Malo o Serbia, o le Malo o Macedonia, o Albania ma Montenegro.
O le Aso Tofi o le vaiaso nei na tauaao atu ai tusi tofiga aloaia o le tamaitai Amepasa fou mo Samoa o lea Malo i le afioga i le Sui o le Fono a Sui Tofia le afioga Le Mamea Ropati Mualia.
O le tamaitai amepasa le susuga Jetmira Berdynaj Shala sa galue i ofisa o lona Malo i Take, faapea ma Brussels a o lei filifilia e avea ma sui o lona Malo mo Samoa.
O le galulue faatasi o atunuu e lua i mataupu o le va lelei ma le atina’e faapea le tausia o le nonofo filemu o nisi ia o anava tausi o loo galulue ai Malo e lua.
O le amepasa o lea Malo mo lo tatou atunuu e faamautu i Canberra le laumua o le atunuu o Ausetalia.
O le tausaga e 2017 na amata ai sootaga faavaomalo o Samoa ma Kosovo.
