Ua faamaonia i lipoti i le asō i Ausetalia nei le tuumalo o Katinale George Pell o le Ekalesia Katoliko ina ua 81 tausaga o lona soifua ma o loo ta’ua sa iai lipoti o ni faaletonu sa aafia mai se taotoga sa faia i se taimi e lei mamao atu.
O le maliu ua faamaonia mai e le Archbishop of Melbourne o Peter Comensoli lea fai mai sana faamatalaga o faaletonu i lona fatu i le mae’a o se taotoga sa faia lea ua maliu ai.
E lei leva nei ona auai atu Katinale Pell i toe sauniga o lē sa avea ma tama paia Pope Benedict 16 i le Vatikano.
O loo silafia e le toatele o lē ua tuumalo sa aafia i nisi o tuuaiga e uiga i le faia o uiga mataga fai faamalosi i tamaiti i se taimi ua sola ma sa fofogaina foi lea mataupu i faamasinoga i le atunuu.
Ua faailoa foi moomooga alofa ma faamaisega a le toatele ina ua lipotia mai lea tala faanoanoa i le asō.
