Search
Search
Photo by Government of Samoa

Tuuina aloaia tusi taualoa a le Amepasa o le Malo o Siamani i Samoa

O le aso ananafi na tuuina ai tusi taualoa a le Amepasa o le Malo o Siamani i Samoa nei i le Sui o le Fono a Sui Tofia, Afioga Le Mamea Tuiletufuga Ropati Mualia e aloaia lona tofiga ma ona tiute tauave i le atunuu.

O Nicole Menzenbach o loo tofia i lenei tofiga i Samoa nei ae o le a aumau i Ueligitone i Niu Sila.

I pepa o faamatalaga mai le ofisa o le Sooupu a le Malo, ua loa tausaga o le talaaga o Samoa ma Siamani i tausaga ua mavae aemaise ai o le faavaeina o faigapaaga.

O le tausiaina o le filemu, o atinae mo le soifua manuia o tagata e lē gata i le Pasefika ae o faalapotopotoga a Malo Aufaatasi.

O le 2016 na avea ai Siamani ma paaga o le Pacific Island Forum e ala i lana vaega e pei o le suiga o le tau, puleaina lelei o vaega o le gataifale, malosiaga faaauau ma le siosiomaga.

Na faailoa ai e le Afioga ia Le Mamea o le tofia ai o Menzenbach e tauave ona tiute i Samoa nei e iai le talitonuga o se avanoa tāua tele lea e siitia ai le tulaga o le faigapaaga a Malo e lua.

O Menzenbach sa aotauina i mataupu tau le tamaoaiga ma pisinisi i se tasi o Iunivesite ua ta’ua o le Albertus Magnus, ona sailia lea o se tasi o faailoga maualuga poo le PhD i vaega lava tau tamaoaiga ma pisinisi i le Atechnical University Chemnitz.

E iai nisi o atunuu sa galue ai lenei tamaitai e tusa o tofiga a le Malo o Siamani e pei ona galue ai i Potukale ma Initia.

Tala sili ona faitaulia

TALA FOU MAI SAMOA

SAMOA UPDATE

PODCASTS

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required