Na pelogia ma taufaasese e le TV Shop tagata faatau ma o lea ua ave ai i le tulafono.
O le aso ananafi na faailoa mai ai e le komisi o pisinisi e 13 tuuaiga faasaga i le TV Shop, poo le pisinisi o loo anaina e le Brand Developers Limited lea e faasalalau i luga o le televise a latou oloa.
O ni tuuaiga foi e faapea e le faatasi ona tupu ma ua ta’ua ai e le komisi e foliga ua pelogia e le TV Shop tagata faatau ma o tuuaiga nei e aofia ai toe faaaoga o lana lava aufaigaluega e faia online reviews ma aveese reviews poo manatu faaalia o tagata e lei fiafia i le oloa poo le auaunaga foi.
O fefaata’ua’iga tutusa ua toe faamanatu le komisi e tāua tele le faamamafa e pisinisi ma mulimulitaia ma e le gata i faalauiloa o loo faia ae o le mautinoa o loo puipuia aiātatau a tagata faatau pe a oo mai i refunds.
Ona o lea ua i luma o le faamasinoga, e le mafai ona toe tele se tala mai le komisi e tusa ma lenei mataupu peitai ua sau ai nei ma le fesiligia o le toe talitonuina o reviews o loo tele ina suesue e tagata faatau e fua agai iai a latou faatauga.
