Ua tuuaia se tasi o fale gaoi sukalati i totonu o le atunuu o lea e na toe suia sukalati ua faaigoaina o Pineapple Lumps e ala i le toe faaopoopo iai o le sukalati, ae e le o sa latou oloa.
O lea ua faamautinoa mai ua tele faitioga e faaulu agai i le komisi o pisinisi faasaga i le Potter Brother Chocolates o loo faamautu i Levin.
O nisi ua toe faasalalauina i luga o le TikTok, ma i lipoti a le 1News ua poloka e le kamupani se tasi na ia lagaina lenei mataupu e faatatau i ana sukalati.
Ae i luga o le upega tafailagi a le kamupani ua tuuaia, o lea ua iai nisi o faaupuga ua toe suia e pei o le aveesea o le faaupuga Hand Made.
Ae mai le kamupani e onaina le Pineapple Lumps, Mondelez New Zealand e leai so latou sootaga ma le Potter Brother Chocolates ma o loo tulimataia lava foi e la latou kamupani tuuaiga ua iai nei o loo toe faasukalati e le Potter Brothers le latou Pineapple Lump.
