E lua District Health Boards ua upuia auaunaga ona o le faatuai ona togafitia o le tina i le kanesa o le susu.
I le lipoti na sau i tua ananafi a le Health and Disability e faapea o le 2018 na masalomia ai e fomai o le kanesa o le susu, ma o lea na aumai ai loa mai Wairarapa District Health Board i le Hutt Valley District Health Board e fā’ata ona e lē o maua i le pitonuu o loo nofo ai lea auaunaga.
O pulega nei e lua ua tuua’ia e le komesina o le Health and Disability, Morag McDowell ona o le lē lelei o uluai iloiloga na faia lea e faapea na foi mai e negative, mulimuli ai toe fā’ata faalua peitai ua tuai.
O le fā’ata lona lua lea faatoa maua ai ma ona o le tigaina tele na uma ai lava ma le soifua o lea tina i le tausaga na sosoo ai.
O loo maua mai ai foi i le lipoti na fesoasoani foi le fesuisuiai o tagata e vaaia lē ua maliu, ma peiseai ua lē manino ai poo ai le DHB o loo gafa ma suesuega.
Ua faatonuina ai e le komesina DHBs a Hutt Valley ma Wairarapa e tusi faatoese i le toalua o lē ua maliu.
Faasilasilaga a le afioaga a Sapunaoa Falealili
0 O le a fata ia I mauga ma le faasauga o ao ma le atu folasa aua e faigata
