E ese mai i tupe e aumai e le malo na sau ma le paketi, e iai foi ma suiga o lafoga e maua ai se tupe a le malo.
O le a sii le pasene o lafoga e totogi e trusts mai le 33% i le 39%.
O le maua ai i faamaumauga o le faga i luga o le tele o tupe maua a tagata e faaui agai i trusts ua fai mai ai ma le malo ua tatau ona faaopoopo lafoga e totogi e i latou nei e amata mai le tausaga fou.
E $11.4 piliona tupe maua teu i trusts i le 2020, ae sau ai i le 2021 e $17.1 piliona, o se siitaga e $5.7 piliona.
O se auala o loo tele ina faaaoga e tagata maumea i totonu o le atunuu e teu ai tupe maua ina ia faaitiitia ai tupe toe alu i lafoga, ma ua fai mai ai ma le malo o le tuu i luga i le 39% se’i tau faapaleni ma le lautele o tagata o loo mafatia i le totogiina o personal income tax.
O Trusts o se faamalu o loo puipuia ai aseta a aiga poo le tele foi o uili a mātua mo fanau.
