Ua maitauina i le asō le faatumulia o le malaevaalele i Sini ma fetuuna’iga ua faia i nisi o faigamalaga.
Fai mai le malaevaalele o le aufaigaluega security ua lē oo atu i galuega ona o loo aafia gasegase ma mafua ai le faatuai.
O laina poo queue o tagata ua oo ane i fafo mai o le vaega e masani ona fai ai check-in ma faailoa ai le lē fiafia o le to’atele. Na faatoese ai se sui o le malaevaalele e tusa o le faaletonu ma faailoa o loo galulue le pulega i ni auala e fesoasoani ai i le faatuai ua aafia ai auaunaga.
Fai mai e oo atu i le itula pe sili atu foi na faatali ai tagata ina ia faia siaki ma o le itu e faanoanoa ai le to’atele ona e le’i leva atu nei foi ona iai le vaaiga lea i le malaevaalele a o lea e foliga e lē o foia lava faafitauli e aafia ai tagata femalagaa’i lautele.
