O le a tumau pea ona iai Niu Sila i le lanu moli i lalo o le traffic light system a o lalata mai le tau malulu. O le faamatalaga lea mai le minisita o loo feagai ma le Koviti-19, Chris Hipkins ua ia ta’ua ai o loo taumate o le a siitia le aofai o tagata e aafia i le omicron i le taimi o le tau malulu.
Na ia ta’ua e ui ua faaauau pea ona faaauau ona tumau le numera o tagata aafia i aso taitasi peitai ua faailoa nei le amata ona toe alia’e o se siitaga i le aofai o tagata aafia. Ua faaopoopo foi le aofai o tagata ua faataotolia i le falemai ona o le koviti.
Fai mai le minisita e mafai lava ona faaauau pea le lanu moli a o faatumauina pea nisi o puipuiga. Faailoa e Hipkins e faamalosiau le tumau pea o le aofai o tagata aafia peitai e iai isi mafuaaga e faailoa mai ai e ao ona faaeteete ma ia aua le agai i le lanu meamata i le taimi nei, o nisi o nei mafuaaga e aofia ai le taunuu mai o isi ituaiga strains fou o le vairusi ma le flu.
O le faaiuga o le masina fou o Iuni ua fuafua o le a toe iloilo ai tulaga i lalo o le traffic light system.
