O loo lagolagoina e le faipule sinia o le Leipa o Ginny Anderson ia Chris Hipkins a o sauni ai lana vaega faaupufai e avea ma itu agai i le faigamalo.
O se faatalanoaga a Anderson na faia i le Breakfast na ta’ua ai o loo faatali i le iuga o se iloiloga na faia ae o 100 pasene le lagolago i le faatumauina pea o le avea o Hipkins ma taitai o le vaega faaupufai.
Fai mai Anderson o lona tautinoga o Chris Hipkins le tagata aupito sili mo le galuega e taitaia latou i le taimi nei.
E 9 tausaga o itu agai foi Hipkins muamua a o lei avea ma Palemia ma na ta’ua e Anderson o lē sa avea ma Palemia o se taitai lelei.
Na faamaonia foi e le tamaitai faipule o loo iai lava faamatalaga feaveai o loo faalogo iai ae lei iai se isi sui o le vaega faaupufai ua faailoa ane sona naunautaiga e fia momo’e i le sailiga o se isi taitai o le a sosoo ai o le vaega faaupufai.
