E ui o lea ua suia alert levels mo Niu Sila atoa, e le o suia ai le taofia le tumau o le maua o meaai ma vaiinu I faigamalaga a le Ea Niu Sila
O le Aso Sa o le vaiaso nei lea na amata taofia ai e le kamupani vaalele le tufaina o meaai ma vaiinu I luga o ana faigamalaga I totonu o le atunuu I le maea faailoa mai o komiuniti cases e aofia ai ma se tasi e faigaluega I le LSG Sky Chefs lea e sau ai meaai o ana vaalele
E le o mautinoa I le taimi nei se aso e toe maua ai lenei auaunaga mo pasese feoai I totonu lava o Niu Sila, ae mo faigamalaga faavaomalo o le a toe amata maua meaai ma vaiinu I le Aso Toonai nei
Ese mai I meaai, o loo faatumauina pea le faamalosia o le faia o le mask I luga o faigamalaga a vaalele a le Ea Niu Sila
