O le fonotaga lenei a le Pasefika e faasoaina ai faamaumauga o faamatalaga ma lipoti e tusa o vaega o loo moomia ai le fesoasoani.

E mo Samoa lava ia o le a faatautaia ai lenei fonotaga i le faletalimalo a le Taumeasina e faagasolo ai mo le tolu aso.

I le faalauiloaina o lenei faamoemoe o loo aumai ai se feau mai le Taitaifono a le Pacific Resilience Partnership Taskforce o le Pule Sili foi lea a le Matagaluega a le Siosiomaga, Afioga Lealaisalanoa Frances Brown Reupena o fonotaga faapenei e fesootai ai tagata uma.

“O le amanaia o gaioiga ma faatinoga auā le saogalemu o le Pasefika o le matafaioi lea a tagata lautele ma o le manulauti lea mo le puipuia lelei o tatou siosiomaga ma le soifua manuia lautele.

“O nisi o vaega o le a agai iai lenei fonotaga e aofia ai le sao o tupulaga talavou, o le puipuia lea o suavai mamā aemaise ai le faamalosia lea o faigapaaga ina ia mautinoa e malu ai le Pasefika.

“O lenei foi fonotaga e faatāua tele ai lou sao ma lou leo i totonu o nei faatalatalanoaga.”

O le a faagasolo lenei fonotaga i totonu lava o atunuu taitasi i le Pasefika.