Ua taulai nei le silasila mamao a le faalapotopotoga o le Toomaga mo ē Puapuagatia, pe iai se isi o latou avanoa e toe faaauau ai le polokalame o le tetee atu i le sauaina o tamaitai ma fanau teine laiti aemaise o sauaga i totonu o aiga, pe afai e toe faaauau le fesoasoani a le Malo sa faamatuu atu ai le limaselau afe tala, sa latou faatino ai lea galuega i le iva masina ua mae’a.

Na lagona lea iuleo i le sauniga na faamae’a ai lea polokalame, ma saunoa ai foi le Minisita o le Matagaluega o Puna’oa Faalenatura ma le Siosiomaga sa avea ma sui o le Malo e faafetaia le faalapotopotoga i le faaaoga o le avanoa i le fesoasoani tupe a le Malo, e unaia ai tupulaga tama talavou faapea nisi o tama e taulamua i le tetee atu i le sauaina o tamaitai ma fanau teine laiti.

Se vaega o le saunoaga a le Minisita o Puna’oa Falenatura ma Siosiomaga le afioga Toesulusulu Cedric Schuster, i le sauniga ua aloaia ai le mae’a o le polokalame sa faatupe i se fesoasoani a le Malo.