Na faatalia a faafetaui e taavale fuimu i le malaevaalele i Sini se tasi vaalele a le Qantas ina ua faailo ane e pailate se faaletonu i le vaa.
O le faigamalaga QF452 o se tasi lea o faigamalaga a le kamupani vaalele na faatuai ona o le louloua o le tau faatasi ai ma nisi malaga na iu ina faaleaogaina.
O se sooupu mai le Qantas na ia faailoa i le 9News e lei faalauiloa o se emergency lenei faaletonu ae na faatino lava gaioiga uma mo le saogalemu ma siaki foi taofi o le vaalele.
E 90 minute na tuai ai le faigamalaga ina ua faatonuina e taamilomilo mo sina taimi se’i tau feololo uiga louloua o le tau aemaise popolega i taofi o le vaalele.
E leai se tasi na aafia ai e ui fai mai lipoti na faatuai foi ona agai ese ai le pasese mai le vaa seia mautinoa ua saogalemu mai uila ma faititili i le taimi na tulaueleele ai le vaa.
