Na faamalosia ona tulaueleele le vaalele a le vaegaau a Niu Sila le ROYAL NZ Hercules i le malaevaalele i Whenupai i Aukilani i le taeao o le Aso Gafua. 

O se faamatalaga mai le vaega o le puipuiga a Niu Sila ua ta’ua ai o le vaalele Airforce V130H Hercules na agai ese atu mai Whenuapai ae tapē ai e se tasi o le auvaa le isi afi (engine) o le vaalele ona ua mumū le moli faailo o se afi (fire).

Fai mai na logoina le vaega o le tineimu pei ona faatonuina i tulaga faapea ma na faamaonia mai e le vaega o le puipuiga sa talafeagai le gaioiga na faia e le tagata lea o le auvaa ma ua amata nei le suesuega i lea mataupu ae leai se soifua na aafia ai.