Ua molia le to’a10 e leoleo, ma aveesea faamalosi mai le silia ma le $10 miliona o aseta a I latou ua molia I tupe eleelea
O I latou nei I Aukilani na oo iai tusi samania e tusa ma suesuega a le vaega o loo gafa ma le mataituina o pisinisi faasolitulafono I le fefaatauaiga o tupe eleelea
O aseta ua i lalo o le pulega a le ofisa e aofia ai fale, faapea taavale maua mai St Heliers, Kumeu ma New Lynn, faapea tusi tupe e 23, lavea atu ai ma tupe pepa faapea tupe ua taua o cryptocurrency
O I latou ua molia o alii toaiva ma le tina e toatasi, e I le va o le 32 agai I le 70 tausaga le matutua
Ese mai I moliaga faasaga I tupe faasolitulafono, o loo iai foi ma tuuaiga I le faatauina atu o fualaau faasaina
O loo iai masalosaloga o leoleo e tusa ma faamaoniga I le taimi nei, o nei tupe fefaatauai faasolitulafono e foliga mai o loo faatupe ai le aumaia I totonu o le atunuu o fualaau faasaina O le aso e amata tutulai ai I latou nei I luma o le faamasinoga faaitumalo I Aukilani
