A o sauni ai le All Blacks e taalo ma Iapani i le Aso Toonai nei, ua iai foi se isi faataitaiga o le atinaeina o le lakapi ma ona sootaga ua atagia ai.
E tolu ‘au i le Super Rugby a Ausetalia a o lea ua mae’a ona faia ni taaloga i preseason i Iapani ia pe o loo fuafua foi e faia ai i le lumanai.
Ta’ua e le Stuff o kalapu lakapi Iapani o loo talimalo i kalapu ia ua o latou totogiina le tau o ia taaloga ma toleniga i le vaiaso atoa i camps.
Fai mai le lipoti ua atagia ai foi ma faamatalaga mai nisi o tama taaalo e pei o Beauden Barrett ma Damian McKenzie lea sa faamatala o latou taimi i Iapani ma le tulaga lelei o le seleni sa maua ai.
O Ardie Savea ma Richie Mounga isi ia o le a aga atu mo Iapani i le mae’a o le tausaga fou ae ono folo atu ai ma Rieko Ioane ma Will Jordan.
Fai mai o le faamamafa a Iapani ma ana kalapu lakapi e ave i le soifua manuia o le tama taalo ma le inivesi lelei i alii faiaoga, o itu ia e aupito tāua i le autaaalo ma o loo tulaga ese ai foi Iapani.
