O le alii fomai polofesa o Richard Scolyer AO ua faalauiloa nei o ia o le tagata tagata Ausetalia o le tausaga, faatasi ai ma le isi polofesa o Georgina Long AO ona o le la galuega tele i le togafitiga o le isi ituaiga kanesa, le melanoma. 

O i laua ia sa faatalanoa i le polokalame o le Current Affair a Ausetalia ma sa faia se sauniga faapitoa i Sini i le amataga o le vaiaso e aloaia ai tulaga ua o la ausia.

Na faamatala e Scolyer i le polokaame o le mafuaaga ua agai ai le suesuega i le itu lea ona o le isi ituaiga kanesa o le fai’ai tulou o loo maua ai e matuai matautia ona aafiaga ma e leai se fofo.

O i na manatu ai ua tatau ona faaaogā le malamalama faasaienitisi ma fomai e vaai ai pe iai se suiga e le gata mo ia ae faapea foi mo gasegase i le lumanai e aafia i le kanesa o le fai’ai. 

O le ituaiga kanesa lea o le fai’ai e faaigoa o le gllioblastoma ma e fai si ogaoga o lea gasegase e pei ona faailoa e le alii fomai.

Ua ia faailoa la o nisi vaega o togafitiga ua faia i le tulaga lea ua taumafai foi e apalai i le melanoma pe iai se avanoa e ono aogā ai foi.

O le tele o le tomai ma le silafia o ia fomai i le faatinoina o auaunaga ua filifilia ai e avea ma Australians of the year mo le 2024 mo Niu Sa Uelese.