O le tulaga lima na oo iai le taumafai o le aulakapi taitoafitu a le Manu Samoa i le taamilosaga i Dubai i le faaiuga o le vaiaso, ina ua malolo ia Aferika i Saute i Quarter Finals.
Na toe malolo i le taaloga ma Farani na saili ai le tulaga 4 ma le lima ma ua tapena i le vae o le taamilosaga lakapi fitu a le lalolagi i Cape town i Aferika i Saute.
O Samoa o loo i le pulu B i le vae lea o le taamilosaga o le a taaalo ai ma aulakapi taitoafitu mai Aialani, Uruguay ma Iapani. O le pulu A o loo iai Farani, Fiti, ma Kanata, pulu C o le a taaalo ai Argentina, Kenya, ma Saipani, ae o Amerika, Ausetalia, Peletania ma Uganda i le pulu D.
