O lea ua aloaia I le aso nisi o suiga mo tagata Aukilani e mafai ai ona kolosia tuaoi
I le lapataiga vaega 3 o iai nei Aukilani o lea sa le mafai e fanau o loo aiaia I lalo o maliega faaletulafono le mafai ona feoai ese atu ma toe foi mai I Aukilani, peitai o le aso lea ua amata aloaia ai ona mafai ona feoai
O fanau nei o loo tausi lua e matua e eseese nofoaga o nonofo ai, ma e tatau ona faia siaki o le Koviti I totonu o le 7 aso e aofia ai le alu ese atu ma le toe foi mai I Aukilani
E oo lava foi I fanau aoga o loo poloka I Aukilani ae o loo aooga I fafo atu o Aukilani o lea ua mafai ona tuua Aukilani
O nei suiga o loo agavaa ai foi ma I latou o le a agai atu e nonofo I isi vaega o Niu Sila e I fafo atu ma tuaoi o Aukilani
O ia suiga na aloaia I le toe tasi le minute I le 12 anapo ma e tatau ia I latou uma o le a tuua motu Aukilani ona faailoa faamaoniga o siaki e negative o le Koviti na faia I totonu o le 72 itula ae e le I faimalaga ese atu
Mo isi uma tagata feoai e tatau ona iai faamaoniga o le mafuaaga o le a kolosia ai tuaoi o Aukilani ma e le tatau ona iai se isi e faimalaga a’o gasegase
