Sa iai le fuafuaga e toe tatala le malaevaalele i Fagalii i le masina o Oketopa peitai o lea ua iai nisi fuafuaga i galuega mo le toe faaleleia o le auala e tulaueleele ma o ese ai vaalele, le mafuaaga o le lē taunuu o lea fuafuaga i le taimi nei.
Na toe fesiligia le Minisita o Galuega tetele, felauaiga ma vaalele sivili i se tala lata mai o lea fuafuaga, a o tu lata ai i le taimi o aso fiafia o le Kilisimasi ma le Tausaga fou e toatele ai tagata malaga mai Amerika Samoa e fai malologa mai i aiga i Samoa Tutoatasi, aemaise o lea taimi e iai pasese e malaga mai i Apia e ui ane i Tutuila ona faaauau mai ai lea i Samoa Tutoatasi.
O le malaevaalele foi i Fagalii e pito lata i le taulaga ma e puupuu foi pe a malaga i le va o Samoa e lua.
Le tofa Olo Afoa Fiti Vaai o le Minisita o Galuega tetele, felauaiga ma vaalele sivili faapea le faalapotopotoga o vaa ma le kamupani vaa a Samoa.
