O le a totogi feoaiga e faaaoga ai le Highway fou o loo fau i Matu o Aukilani i le va o Whangaparaoa Peninisula ma le State Highway 1.
O le O Mahurangi Penlink o loo faamoemoe e mae’a i le 2026 ma i faamaoniga a le minisita o femalagaiga Michael Wood e tusa ma le 20 minute i taimi pisi e faasao mai pe a faaaoga le auala fou.
E $830 miliona le tau o le poloketi o loo iai nei ae $3 miliona e moomia e faaleleia ai pea i tausaga taitasi.
E $3 le tau o le taavale laititi i taimi pisi ae $2 isi taimi o le aso, a o taavale mamafa e faaluaina le tau latou te totogia.
O tupe o le a maua mai peimeni nei mo le faaaogaina o le auala o le a faaaoga lea e toe faatupe ai galuega faaleleia o le highway.
