Ua faasala tupe e le faamasinoga lē sa taitaia le Pacific Island Safety and Prevention Project, poo le faalapotopotoga sa fesoasoani i le komiuniti Pasefika i Aukilani.
O Betty Sio na ia faavaeina mai lenei faalapotopotoga mai le 2009 seia oo mai i le 2015, ma e oo mai i le 2014 ua oo atu i le $2.5 miliona tupe o fesoasoani mai le malo e faatupe ai auaunaga o loo ia faia e faatatau i sauaga i totonu o aiga.
Peitai o moliaga o lona faaseseina o faamaumauga ina ia gaoia ai le $44,000 lea ua faamaonia na faia e Betty, ma ua faasala ai nei na te toe totogia le $3,000.
Mai le ofisa o le Serious Fraud, e ese mai ia Betty o lea foi na gaoia e lē sa vaaia tupe Tapualii Raewyn Uitime le $216,000 ma o lea na lau lona iuga i le 2020 e nofosala i le falepuipui.
Ua toe faamanatu ai e le Serious Fraud Office le tāua o le faaaogā tatau o tupe mai le malo mo le komiuniti.
