E lei iai ni manu’aga o le avetaavale ma lana pasese lea na tofu le latou taavale i le vaitaele poo le swimming pool a se aiga i le itu i Saute o Perth.
Fai mai lipoti a le 7News o se taavale e tumu i pasese na agai sa’o lava i le vaitaele a si aiga lea i le lata i le 8 i le po anapo ina ua lē mafai ona taofiofi le taavale a o agai atu i se pioga.
E 42 tausaga le matua o le avetaavale ae o lana pasese e toatolu e aofia ai se tamaitai 43 tausaga, se alii 19 tausaga ma tamaiti e toalua, 9 ma le 10 tausaga e lei iai se tasi na faamanu’alia.
O loo faia iai le suesuega a leoleo i lenei faalavelave ae molimau nisi e faafetaia le leai o se tasi i le vaitaele poo le auala foi e agai i le vaitaele semanu e iai se soifua e afaina ai.
Puna o Faamatalaga: https://7news.com.au/news/driver-and-passengers-escape-injuries-after-car-slams-into-swimming-pool-on-willshire-way-in-yangebup-c-15302746
