Ua iai se lapataiga faafuasei ua faamatuu mai e faatatau i se mama pasiketipolo sa faatau i nisi o faleoloa o mea tau taaloga i le atunuu mo le lua ma le ‘afa tausaga.

O le mama lea a le Spalding NBA e lei faatauina mai ma faatonuga ma lapataiga talafeagai mo le faapipiina ma e onoo aafia ai le soifua pe faamanualia ai pe a lē sa’o le faapipiina. 

Na faailoa mai e le Australian Competition and Consumer Commission o loo iai lamatiaga i soifua mai lea oloa ma sa faatau i le tele o faleoloa o le Rebel Sport.

Ua lapataia soo se tagata na ia faatauina lea oloa ina ia vave faafoi ane ma taofia loa le faaaogaina.