Ua toe aumai e puleganuu le faafou o le faiga o loo faia ai faigapalota a nuu i Niu Sila, e lē gata o le system ae o le umi o tausaga.
O le Local Government New Zealand Reform Group o lea o le a ta’ita’ifono ai le pulenuu o Nelson Nick Smith e tusa ma se pepa o faamatalaga na tuuina mai, ma o loo iai i totonu o lea kulupu pulenuu ma councillors mai isi aai.
Saunoa le peresetene o le kulupu Sam Broughton, ua moomia le toe auiliili o le local electoral system ona o le toatele o tagata o palota, ma o lea foi ua vaavaai e suia mai le tolu tausaga le umi o se nofoaiga agai i le 4 tausaga.
O se faiga ia faasao mai ai le tele o le taimi o loo faaaluina ai, faapea tupe ma’umau.
O palota nei a puleganuu ua maitauina i totonu o le 30 tausaga o loo sau pea i lalo o le fuainumera o tagata e palota.
O le kulupu ua tuufaatasia o le a galulue taulai i sini e 4 – o le vaai i auala e unaia ai le fia palota o tagata; suia i le 4 tausaga mai le tolu lea o loo iai; saili nisi auala e mafai ai ona fai palota a tagata faapea ai ma le saili poo ai e tatau ona faatautaia le faiga o palota a nuu ae poo ā foi itu ua tatau ona siitia iai.
Puna o Faamatalaga: https://www.1news.co.nz/2024/06/04/refresh-sought-for-local-electoral-system-amid-low-voter-turnout
