Search
Brian Tamaki - lockdown protest
Photo: Newshub

Toe tatala Tamaki i lalo o tuutuuga fou

Ua toe tatala i tua i lalo o tuutuuga fou le alii faifeau ia Brian Tamaki

O le taitai o le Destiny Church na toe tulai I luma o le faamasinoga faaitumalo i Aukilani i le aoauli ananafi I le maea samania faatasi mai ma lona faletua ona o moliaga o le le usitaia o tuutuuga na muai tatala ai i tua pei ona molia ai i moliaga o le le usitaia o poloaiga o le Koviti

O tuutuuga fou ua toe tatala ai Tamaki ua faasa ai nei ona toe ulufale i le Auckland Domain poo le nofoaga o loo faamaopoopo ai solo tetee o loo taulamua ai; aua nei toe lagolago pe tulai e saunoa i tetee o loo faia ao iai i tapu, usitaia poloaiga o tapu o loo iai, ma aua nei toe faaaogaina fesootaiga i le initeneti e unaia ai tetee faasaga i tapu ma poloaiga o le Koviti

O lea foi na molia ai ma le faletua ia Hannah Tamaki mo le uluai taimi ona o le le usitaia lava o poloaiga o le Koviti, ma o lea foi ua tatala i tua i lalo o tuutuuga

O le tulai o le alii faifeau ananafi i le faamasinoga o le faatolu ai lea i totonu o le lua masina

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required