4000 potu I totonu o le lua vaiaso I nofoaga faanofoesea o le a faamatuu mai
O le fuafuaga lea ua faailoa mai e le minisita o le Koviti, Chris Hipkins ma o le a auaua’i mai ai seia oo lava I le Kerisimasi
Tusa ma le 3000 o ia potu o le a amata avanoa mo bookings I le Aso Gafua o le vaiaso a sau
Saunoa le minisita o ai lava o le a agai mo bookings I le va o le ta o le 8 I le taeao I le 9 o le taeao o le aso lava lea o le a maua uma o latou avanoa tutusa I le taofia o avanoa I nofoaga faanofoesea
Faailoa ai foi e Hipkins o se faiga o le a tuuitiitia ai le ave uma e I latou o loo maualuluga tomai faatekonolosi ma tuai ai ona mauavanoa le toatele o loo tausaili mai avanoa I nofoaga faanofoesea mai fafo
O vouchers nei mo potu faanofoesea e le o agavaa ai I latou o loo omai I faigamalaga sone lanu mumu mai Ausetalia
O se taimi mulimuli mai o lenei masina ua faailoa e Hipkins o loo iai fuafuaga e toe maua ai se isi tonu mo Kiwis o loo poloka I Ausetalia
