Ua mae’a nai vaiaso sa malolo ai le tatou aulakapi taitoafitu a le Manu Samoa e pei ona sa molimauina le auai i nisi o polokalame o aso malolo o le Kerisimasi ma le Tausaga Fou, ma o lea ua toe tuuvaa ese mo le taamilosaga i Hamilton i Niu Sila faapea le taamilosaga i Sini Ausetalia e faia uma i le masina nei.
O le Aso Sa na malaga ese ai le faiaogaulu le pulega ma le ‘au atoa. O le aso 21 ma le 22 le taamilosaga i Hamilton ae o le aso 27 i le aso 29 le taamilosaga i Sini Ausetalia.
Ua faailoa i se lipoti e iai ni taaloga se lua i le faaiuga o le vaiaso nei o le a fetaui ai le tatou autaitoafitu ma ‘au o le All Blacks sevens ma Aialani a o lei faia le taamilosaga i Hamilton.
O ia taaloga e sauniuni ma tapena ai mo le taamilosaga autu.
