E toasefulu i latou mai le Matagaluega o Leoleo ua faaiuina le 3 vaiaso sa auai atu ai i Saina i se aoaoga mo le tausisia o le puipuiga o le saogalemu mo atunuu o le Pasefika.
I faamatalaga faalauaitele mai le Matagaluega, na faailoa ai e le Komesina, Auapaau Logoitino Filipo e tāua tele nei aoaoga mo sui o le Matagaluega e faalauaitele ai le silafia e auai ai i auaunaga o loo tuuina atu ai alii ma tamaitai Malu o le Malo i galuega e puipuia le saogalemu i nisi atunuu o le Pasefika poo le lalolagi atoa.
Na faafetaia ai le Malo o Saina mo nei avanoa tāua mo le Matagaluega ma ua faaauupegaina ai foi ma sui Malu o le Malo ina ia tausisia pea le tausia o le filemu e ala i auaunaga ma anavatau o la latou galuega.
E faaauau pea le galulue ai o le Matagaluega o Leoleo e ala lea i le tomai e tausisia ai le filemu i totonu o soo se atunuu e valaauina mai ai se fesoasoani ina ia mautinoa le saogalemu lautele o tagata o le Pasefika.
E toatolu tamaitai toafotu alii ma auai atu i lenei aoaoga e aofia ai i latou o loo iai tofiga Satini Sinia ma nisi o tofiga a le Matagaluega.
