Ua toe solomuli fuafuaga a le Council a Tauranga na faapea e suia ai le faiga o loo totogi ai pakaga i totonu o le taulaga faatau.

O lea na faapea e toe faalautele vaega o le aai e totogi pakaga o taavale ma na toe tolopo mai le tausaga talu ai ona o poloketi.

Peitai mai le faatonu o le komisi ananafi, Anne Tolley o lea ua toe tuu atu i le tausaga fou ae se’i tuu le avanoa i tagata lautele ma se’i mataitu pea nisi o poloketi o loo faia i le taimi nei.

E ese mai le taulaga faatau o Tauranga o lea foi ua toe iloilo e le malo suiga o pakaga i Mount Maunganui.

O Mati o le tausaga fou e toe talanoaina ai e le Council ana fuafuaga mo pakaga nei ma lona faalauteleina.